Hin elskulega Dísa Steinars hafði nýlega samband við mig, þar sem hún lýsti spennu sinni og aðdáun á Heima er gott, versluninni og ekki síður hugmyndafræðinni að baki hennar. Hún vildi endilega fá að kynnast okkur betur. Hún lifir sjálf eftir sömu gildum og ég, með áherslu á góða sjálfsmynd, bæði líkamlega og andlega, og sanngirni gagnvart öllu og öllum, fólki sem umhverfi.  Þar af leiðandi tók ég henni fagnandi og fljótlega hófst fallegt samstarf.

Við mæltum okkur mót yfir kaffibolla, að sjálfsögðu heima við, og kynntum hugmyndir okkar fyrir hvorri annari. Eftir að hafa kynnt hugmyndir okkar og áherslur yfir notalega kvöldstund lét ég Dísu fá nokkrar Lé Buns flíkur með sér heim til þess að prufa.