Orkumikill og frískandi morgun smoothie

Þið þekkið það ábyggilega margar að hafa ekki mikinn tíma á morgnana og eigið erfitt með að koma orkunni af stað, sérstaklega þegar skammdegið er yfirþyrmandi.

Fyrir utan það að byrja alla daga á stóru glasi af vatsnglasi finnst mér frábært að fá mér frískandi smoothie, sem inniheldur allt sem þarf til að koma kerfinu í gang. 

Trefjar, prótein, kolvetni, andoxunarefni, kalíum og fleiri vítamín flæða um líkamann og byrja þetta partý!

 Það sem þú þarft 

• Banani - eitt stykki
• Chia fræ - tvær matskeiðar
• Kókos & möndlumjólk - 400 til 500 ml - mér finnst best að nota Alpro vörurnar úr Krónunni
• Vanilluprótein - ég nota ISO WHEY ZERO frá Bætaefnabúllunni
• Klakar

Skelltu þessu öllu í blandarann og drekktu svo á meðan þú ert að gera þig til í daginn, þú átt eftir að finna orkuna margfaldast!

Eigðu góðan dag